Pumalo sa 33,603 ang aktibong kaso ng COVID-19 na naitala ngayong araw ng Sabado, Enero 23.
Ito ay batay sa tala ng Department of Health (DOH) kung saan nadagdagan ng 1,797 ang kaso ng COVID-19 sa bansa dahilan upang sumampa sa 511,679 ang kabuuang kaso ng naturang virus.
Samantala, 54 naman ang nadagdag sa bilang ng mga nabawian ng buhay dahilan upang umakyat naman sa 10,190 kabuuang ang bilang ng mga nasawi .
Kaugnay nito, 166 naman ang mga gumaling o nakalabas na ng ospital ngayong araw, habang 467,886 naman ang kabuuang bilang ng mga ito.— sa panulat ni Agustina Nolasco
