Nakikipagtulungan na rin ang National Bureau of Investigation (NBI) sa pagtukoy ng tunay na dahilan ng pagkamatay ng flight attendant na si Christine Dacera.
Ito’y ayon kay Justice Secretary Menardo Guevarra, kung saan, umaasiste at nakikipag-ugnayan na, aniya, ang forensic medicine team ng NBI sa Scene of the Crime Operatives (SOCO) ng pulisya ng Makati.
Magugunitang —Bagong Taon nang matagpuang wala nang buhay sa bathtub ng isang hotel room sa Makati City si Dacera kung saan pinaghihinalaan itong hinalay at pinatay.
