Pasok ang Lungsod ng Maynila sa listahan ng World’s Best Cities ng Time Out Index 2022.
Nasa ika-34 na pwesto ang Maynila mula sa 53 siyudad na kabilang sa listahan ng global magazine.
Sinabi ng Time Out na sa kabila ng kaguluhang dulot ng sobrang populasyon, maging ang nararanasang trapiko sa lugar, ay taglay nito ang mayamang sining at kultura.
Inilahad rin ng nasabing magazine na nagawang makabangon ng siyudad mula sa COVID-19 pandemic bunsod ng pinaigting na vaccination drive nito.
Samantala, napabilang sa top 10 ng best cities ang Edinburgh sa Scotland, Chicago sa US, Medellin sa Colombia, Glasgow sa Ccotland, Amsterdam sa Netherlands, Prague, Capital City ng Czech Republic, Marrakech sa Morocco, Berlin sa Germany, Montreal sa Canada, at Copenhagen sa Denmark.