Sumirit na sa 12,892 ang bilang ng mga Pilipinong tinamaan ng COVID-19 sa ibayong dagat.
Ayon sa Department of Foreign Affairs (DFA), ito’y dahil sa isang bagong kaso na naitala sa hanay ng mga Pinoy abroad.
Sa nabanggit na datos, nasa 3,594 ang aktibong kaso o ‘yung kasalukuyan pang sumasailalim sa gamutan.
Wala namang naitalang bagong recovery kaya’t nakapako sa 8,387 ang total recoveries sa labas ng bansa.
Samantala, nananatili sa 911 ang death toll dahil wala ring naidagdag sa nabanggit na listahan.
