15 pang mga Pilipino ang nagpositibo sa COVID-19 sa labas ng bansa, dahilan upang umakyat na sa 12,891 ang kabuuang kaso abroad.
Samantala, sumampa na sa 8,387 ang total recoveries ng mga Pinoy sa ibayong dagat, habang nananatili naman sa 911 ang death toll.
Sa kasalukuyan, nasa 3,593 ang patuloy na nilalapatan ng lunas.
Lumalabas sa datos ng foreign department, na aabot sa 2,679 ang virus cases sa Asia and the pacific region at nasa 803 pasyente ang tuloy-tuloy paring binibigyan ng medikasyon.
Pumalo naman sa 1,855 na mga pasyente sa rehiyon ang nakarekober at 21 naman ang binawian ng buhay.
