Maaaring magtalaga ng deputized resident Ombudsman ang Department of Justice (DOJ) at the Commission on Audit (COA) upang maging kaagapay ng Office of the Ombudsman sa paglaban kontra korapsiyon.
Ayon kay Justice Secretary Menardo Guevarra, nais ni Ombudsman Samuel Martires na buhayin ang resident Ombudsman ng ilang ahensya ng pamahalaan sa layuning mapunan ang kakulangan sa tao ng ahensya.
Gayunman, sinabi ni Guevarra na alam na ng Task Force Against Corruption (TFAC) na pinaiigting na rin ng ilang tanggapan ng gobyerno ang kanilang panloob na mekanismo tungkol sa pagsugpo sa katiwalian.
