Iminungkahi ng Laban Konsyumer group sa Energy Regulatory Commission (ERC) na palawigin pa ang ‘no-disconnection policy’ hanggang Disyembre 31, matapos ideklara ng ERC sa senado nitong nakaraang linggo ang pagpapalawig ng deadline ng pagbabayad ng bill hanggang katapusan ng Oktubre.
Nagpadala naman ng sulat ang grupong Power4People coalition sa ERC na imbestigahan muna ang magulong billing ng MERALCO nitong mga nakaraang buwan bago palawigin ang di pagpuputol ng koneksyon ng kuryente sa mga konsyumer.
Suhestyon naman ni Laban Konsyumer President Victor Dimagiba na bigyan pa ng isang linggong palugit sa susunod na taon ang mga konsyumer na nabigyan ng disconnection notice para makapagbayad —sa panulat ni Agustina Nolasco
