Agarang sinimulan ng pamunuan ng MIMAROPA Police Regional Office ang 2 priority program ng liderato ng pambansang polisya na Implan Imbestigador at Implan Pistolero.
Ayon kay Police Brigadier General Pascual Muñoz Jr., Mimaropa Regional PNP Director, ang Implan Imbestigador ay ang pagsasanay sa lahat ng mga police investigators para lalong pang palakasin at hasain ang kanilang kakayahan pagdating sa imbestigasyon.
Habang ang Implan Pistolero, ay layon namang hasain ang lahat ng mga kapulisan sa region 4b sa paggamit ng baril o anumang marksman.
Samantala, mababatid na sa pag-upo ni PNP Chief General Camilo Cascolan, iniutos nito ang pagsalang at pagsasanay sa imbestigasyon at paghawak ng baril ang lahat ng kanyang kapulisan —ulat mula kay Jaymark Dagala (Patrol 9)
