Ipinagpaliban ng pamunuan ng Professional Regulation Commission (PRC) ang 15 nalalabing licensure examinations ngayong 2020 dahil sa naging epekto ng COVID-19 pandemic.
Sa abisong inilabas ng PRC, hindi na matutuloy ang nakatakdang pagsusulit sa buwan ng Oktubre, Nobyembre at Disyembre.
Ilan sa mga naunsyaming licensure examinations ay para sa mga sumusunod: architects, midwives, civil engineers, aeronautical engineers, geologists, nurses at iba pa.
Pagtitiyak ng PRC, ang lahat ng mga ipinagpalibang licensure examination ay ire-reschedule sa susunod na taon.
