Patuloy pang nadaragdagan ang bilang ng mga inihahaing petisyon sa Korte Suprema laban sa Anti-Terrorism Law.
Kahapon, nagtungo sa Supreme Court ang mga miyembro ng Council for People’s Development and Governance kasama ang Ibon Foundation, Kalikasan – PNE at iba pang grupo.
Batay sa kanilang isinumiteng petition for certiorari, hiniling nila na maglabas ng status quo ante order o temporary restraining order ang SC laban sa nasabing batas.
Pinadedeklara rin nilang unconstitutional ang Anti – Terrorism Law dahil sa mga kuwesyunableng laman ng batas tulad ng red tagging, harrassment at pang-aabuso ng pamahalaan sa civil society groups.