Posibleng magtagal pa si Pangulong Rodrigo Duterte sa pananatili nito sa kaniyang hometown na Davao City.
Ito’y ayon kay Presidential Spokesman Harry Roque ay dahil sa nananatiling mataas ang kaso ng COVID-19 sa Metro Manila kung saan, maging ang mismong malakaniyang ay napasok na rin ng virus.
Giit ng kalihim, mas ligtas ang Pangulo kung mananatili ito sa Davao City at mas kumportable itong nakapagtatrabaho roon.
Nabatid na noong isang linggo pa dapat bumalik sa Metro Manila ang Pangulo subalit bigla itong naunsyami bunsod ng hindi malamang kadahilanan.
