Patay ang apat na tauhan ng Philippine Airforce matapos bumagsak ang sinasakyang helicopter sa Cauayan City, Isabela.
Ayon kay AFP Spokesman Edgard Arevalo, nakaligtas sa sakuna ang isa pang airman at kasalukuyang nasa pagamutan.
Batay sa impormasyon, kakalipad pa lamang ng Huey Helicopter nang agad rin itong bumagsak.
Magsasagawa sana ng proficiency training para sa night flying ang limang airforce personnel nang mangyari ang insidente.
Dahil dito, grounded muna ang lahat ng Huey Helicopters sa bansa upang makapagsagawa ng safety inspections.
