Posibleng kumuha ng senatoriables sa labas ng partido ang Liberal Party (LP).
Inamin ito ni LP Parliamentary Caucus Chairman Neptali Gonzales II bagamat tumanggi itong tukuyin kung sino ang mga target nilang mapasama sa senatorial list ng ruling party.
Sinabi ni Gonzales na bahala na ang presidentiable nilang si Mar Roxas na pumili ng mga uubrang isabong ng LP sa senatorial race.
Samantala, next question na lamang ang naging tugon ni Gonzales nang tanungin kung posibleng mapasama sa kanilang senatorial list si Metropolitan Manila Development Authority (MMDA) Chairman Francis Tolentino.
By Judith Larino
