Arestado ang isang Indonesian national na sangkot sa pagdukot sa dalawang Chinese POGO worker sa Makati City.
Kinilala ni Philippine National Police (PNP) Anti-Kidnapping Group Spokesman P/Maj. Rannie Lumactod ang suspek na si Falendra alyas Parker na naaresto sa kaniyang bahay sa Salamanca St. Brgy. Poblacion sa nasabing lungsod.
Ikinasa ang operasyon makaraang dumulog sa kanilang tanggapan ang biktimang Chinese na dinukot nuong Hunyo 18 pero nakatakas din nuong Hunyo 20.
Kuwento ng biktima, dinukot siya sa makati at dinala sa Tagaytay kung saan, nakaranas din siya ng pananakit bago nakatakas.
Nabatid na ang nasabing suspek din ang nasa likod ng pagdukot sa isa pang Chinese na kasama ng biktima dahil sa hindi mabayarang utang.
Dahil dito, ikinakasa na ng pulisya ang kasong kidnapping at serious illegal detention laban sa suspek na dayuhan.
