Plano ng Philippine Red Cross (PRC) na isailalim sa coronavirus disease 2019 (COVID-19) test ang ilang mga manggagawa mula sa mga top destination sa bansa.
Ayon kay PRC Chairman at Senador Richard Gordon, ito ay para mapabilis ang pagbangon ng ekonomiya ng bansa mula sa epekto ng COVID-19 pandemic.
Ani Gordon, nakikipag-ugnayan na siya sa kalihim ng Department of Tourism (DOT).
Nais sana niyang isagawa ang COVID-19 test sa mga manggagawa gaya sa Isla ng Boracay at sa Bohol.
Gayundin sa El Nido at Siargao na itinuturing na mga major beach destination sa bansa.
