Tuloy lang sa kanilang tungkulin ang Joint Task Force COVID-19 Shield sa pagpapatupad ng mga quarantine protocols sa buong bansa.
Ito ang inihayag ni Joint Task Force COVID-19 Shield Commander P/Ltg. Guillermo Eleazar ngayong ikatlong linggo na ng general community quarantine (GCQ) sa Metro Manila at malaking bahagi ng bansa.
Ayon kay Eleazar, maliban sa mga itinalagang quarantine checkpoint, mananatili rin aniya ang kanilang puwersa sa mga komunidad kung saan, nakataas pa rin ang mahigpit na security at quarantine measures.
Tututukan pa rin ng Joint Task Force COVID-19 Shield ang mga pasaway na patuloy na lumalabag sa mga quarantine protocol subalit mahigpit din nilang pa-iiralin ang maximum tolerance sa mga ito.
