Isinara pansamantala ang mahigit 7,000 paaralan sa Malaysia dahil sa haze mula sa nasusunog na kabundukan sa Sumatra, Indonesia.
Ayon sa mga Overseas Filipino Workers (OFW’s), kahapon ipinasara muna ang mga naturang paaralan para hindi maapektuhan ng makakapal na usok ang kalusugan ng mga bata.
Ipinabatid pa ng mga OFW na maging sila ay apektado ng haze dahil hindi na sila lumalabas ng kanilang mga bahay at kung sakali mang lumabas ay nagsusuot sila ng face mask.
Todo-ingat ang Filipino community sa Malaysia para maiwasan ang anumang sakit lalo na yung may mga hika.
By Judith Larino