Muling maglalatag ng mga rekomendasyon ang Inter Agency Task Force (IATF) sa Pangulong Rodrigo Duterte bukas kung anong direksyon ang tatahakin ng bansa pagkatapos ng enhanced community quarantine (ECQ) sa April 30.
Ito ay matapos na humingi pa ng mas maraming options ang Pangulo mula sa task force na gagamitin nyang basehan ng kanyang magiging desisyon.
Ayon kay IATF Spokesman at Cabinet Secretary Karlo Nograles, bawat miyembro ng IATF ay makikipagpulong ngayon sa mga stakeholders at mga eksperto para sa dagdag na rekomendasyon.
Nais aniya nilang ibigay ang buong linggong ito sa Pangulo para pag-aralan ang lahat ng ilalatag nilang rekomendasyon.
In terms of pag-slow down nung mga infection rate ng COVID-19 nama-manage naman natin so, yun yung isa sa mga basis na tinitignan natin which gives us more confidence dun sa paged-decide natin on what to do after April 30,” ani Nograles.
Aminado si Nograles na mainit ang balitaktakan hinggil sa mga options na dapat gawin.
Halimbawa aniya ay kung magpapatupad ng modified lockdown sa mga lalawigan o rehiyon na konti ang kaso ng COVID-19.
Binibigyan rin aniya ng kunsiderasyon ang edad ng mga mamamayan ang mga industriya na kung sakaling bubuksan mahihirapan sa pagpapatupad ng social distancing at higit sa lahat ang transportasyon.
Pinag-aaralan na aniya kung anong klase ng transportasyon ang puwedeng magpatupad ng social distancing at ano ang hindi.
Well, the next 10 days as far as IATF is concerned tuloy-tuloy pa ang aming mga meetings because kahapon hindi pa nakapag-decide si Pangulong Duterte kung ano gagawin after April 30 at binalik na niya muna sa IATF ang pagpapatuloy ng aming discussions dun para mas mabibigyan namin si Pangulong Duterte ng more options that he can take a look at,” ani Nograles.
