Patay ang isang government auditor matapos tambangan ng hindi pa nakilalang suspek.
Ayon kay Cotabato City Police Director Colonel Portia Manalad ang pagpatay sa 60 taong gulang na si Quiara Bagundang Akmad ay may kinalaman sa kaniyang trabahabo bilang auditor ng lalawigan ng Maguinadanao.
Tumanggi pang magbigay ng mga dagdag na detalye sa gitna na rin ng imbestigasyon sa kaso.
Ayon sa report si Akmad ay nasa puting kotse na minamaneho ng asawang dating ARMM Police Officer nang paulanan ng bala sa iba’t-ibang bahagi ng kaniyang katawan kahapon ng umaga.
Sinabi ni Manalad na ang suspek ay naghihintay na sa kotse ni Akmad para makarating sa kurba ng Avelina Street ilang metro lamang ang layo sa City Mall.
