Itutuloy ni Pangulong Rodrigo Duterte ang pagsasampa ng kasong syndicated estafa ang mga opisyal ng Manila Water at Maynilad.
Ito ang inihayag ng Malakaniyang kaugnay sa umano’y maanomalyang probisyong nilalaman ng kontrata ng dalawang water concessionaire sa pamahalaan.
Ayon kay Presidential Spokesman Salvador Panelo, hindi nagbibiro ang Pangulo sa kaniyang sinabi.
Giit ni Panelo, hindi lamang isang banta ang binitiwang salita ng Pangulo kundi seseryosohin niya ito.
Sinabi ni Panelo na pinanindigan lamang ng Pangulo bilang punong ehekutibo ng bansa ang tungkulin nito na pangunahing magpatupad ng batas tulad na rin ng pagsasampa ng kaso kaugnay sa kwestyunableng kontrata sa mga ito.
