Gaganapin sa Atlanta Georgia ang prestihiyosong beauty pageant na Miss Universe.
Batay sa anunsiyo ng Miss Universe Organization sa kanilang social media accounts gaganapin ang televised competition sa Tyler Perry Studios sa December 8, 2019.
Kasabay nito, kanila na ring inilabas ang bagong promo video ng pageant kasama ang kasalukuyang Miss Universe na si Catriona Gray.
Una na ring inanunsyo ng Miss Universe Organization na isang bagong diamond crown ang susuotin ng mananalong kandidata ngayong taon na likha ng kilalang luxury jeweler na si Mouawad.
