Tiniyak ng General Santos City Social Welfare and Development (DSWD) na bibigyan ng ayuda ang nasa 2,000 empleyado ng nasunog na Gaisano Mall sa lungsod.
Ayon kay CSWD General Santos City Assistant Department head Arabecque Batilong, maaaring makakuha ng tulong pinansiyal ang mga empleyado ng Gaisano Mall na nawalan ng trabaho dahil sa nangyaring sunog dito.
Gayundin, para makahanap aniya ng bagong trabaho ang mga ito sa pamamagitan ng isasagawang job fair sa susunod na linggo.
Samantala, dinagsa naman ng mga empleyado ng Gaisano Mall ang tanggapan ng General Santos CSWD ngayong araw para makakuha ng disaster assistance family access card.
