Sugatan ang walo katao sa magkakahiwalay na aksidente sa Zamboanga City.
Unang nagsalpukan sa Calle Veterans ang dalawang motorsiklo na minamaneho nina Carlito Enriquez at Sharief Majid.
Inaalam pa kung nakainom ang dalawa nang maganap ang aksidente.
Sa Sitio Malandi, Barangay Patalon, malubhang nasugatan ang dalawang estudyanteng menor de edad at isang driver ng motorsiklo makaraang salpukin ng isang cargo truck ang sinasakyan nilang motor.
Sa highway ng Barangay Boalan, sumalpok sa isang SUV ang minamanehong motor ng isang empleyado ng City Hall.
Makaraan ang ilang oras, nahagip naman ng isang motorsiklo ang isang 37-anyos na lalaki na naglalakad lamang sa lugar.
Nagkaroon ng minor injury sa katawan ang rider matapos sumemplang sa daan habang patuloy ang imbestigasyon sa mga naturang aksidente.
