Binalaan ng Food and Drug Administration o FDA ang publiko laban sa pagbili at pagkain ng mga hindi rehistradong produktong pagkain.
Sa ipinalabas na abiso ng FDA, kabilang sa mga produktong ibinebenta sa mga pamilihan na walang certificate of product registration ang Robinsons Corniks Spicy, Health Insight Choco Drink 15 in 1, Herbal Chocodrink with taurine.
Gayundin ang Health Insight Healthy Blend 15 in 1 Herbal Coffee, Sakto Special Sweet Kaong at Bebs Special Sweet Kaong.
Dahil dito, pinayuhan ng FDA ang publiko na huwag bilhin ang mga nabanggit na produkto.
