Tatlo ang nasawi kasama ang isang bata habang sugatan ang isa pa sa naging pag atake ng Abu Sayyaf group sa Talipao, Sulu kahapon kasabay ng pagdiriwang ng Eid’l Adha.
Ayon sa Armed Forces of the Philippines Western Mindanao Command, nakasakay ng motorsiklo sina Private 1ST Class Joie Halasan at Citizen Armed Force Geographical Unit Militiaman Aldazier Hassan patungo sa Patikul-Talipao Road nang paulanan sila ng bala ng mga armadong kalalakihan.
Agad na namatay ang mga biktima sa naging pag-atake habang nadamay naman ang dalawang bata edad dalawang taon at 11-taon na nasugatan dahil sa pamamaril.
Naisugod pa sa ospital ang dalawang bata ngunit nasawi din ang dalawang taong gulang na bata habang nasa kritikal na kondisyon naman ang isa pang bata.
Nagpahayag naman ng pakikiramay si Joint Task Force Sulu Commander Major General Corleta Vinluan Junior at nangakong papanagutin ang mga terorristang grupo sa naging pag-atake.
