Pinasinayaan na ang passenger terminal sa Port of Cagayan De Oro (CDO), ang ikinukunsiderang pinakamalaking pantalan sa buong bansa.
Ayon sa Department of Transportation (DOTr), ang gusali na nasa loob ng passenger terminal complex ng CDO Port ay isang malaking dalawang palapag na istruktura na may kabuuang lawak na halos 6,000 square meters.
Ang bagong terminal ay may capacity na 3,000 pasahero na triple sa dating kapasidad nito at mayroong security checkpoints na may x-ray scanners for baggage, body scanners, CCTV, passenger boarding stations, collector’s booth, public assistance desk, designation green areas, storage rooms at mga opisina.
Mayroon ding amenities ang naturang gusali para sa general public partikular sa mga senior citizens, persons with disabilities, buntis, mga bata at mga magulang na may kasamang anak na may edad dalawa (2) pababa.
