Isa ang patay habang 22 ang sugatan sa pagtaob ng isang bus sa lalawigan ng Aurora.
Kinilala ang nasawi na si Filipinas Lim, 51 anyos na kabilang sa mga pasahero ng Genesis Joy bus na may plakang TXZ-585.
Ayon kay Aurora Provincial Police Office Chief, Col. Cosme Abrenica, binabagtas ng bus ang pababang bahagi ng kalsada sa Barangay Dianawan nang mawalan umano ng control sa manibela ang driver na si Jesus Onod, 40 anyos.
Patungo sanang Metro Manila ang Joy Bus mula sa Baler, Aurora nang maganap ang aksidente.
Nahaharap naman sa mga kasong ‘reckless imprudence resulting to homicide at multiple frustrated homicide’ si Onod.
