Mawawalan ng supply ng tubig ang customers ng Manila Water sa maraming barangay sa lalawigan ng Rizal.
Kasunod ito nang isasagawang maintenance works ng Manila Water sa water treatment plant sa bayan ng Cardona.
Mawawalan ng tubig alas diyes ng gabi bukas hanggang alas sais ng umaga ng Biyernes ang mga barangay ng San Isidro, San Roque, Sto. Nino, San Vicente, Kalayaan, San Pedro, Poblacion Ibaba at Poblacion Itaas sa bayan ng Angono.
Mga barangay ng Pag-asa, Tayuman, San Carlos, Tagpos, Bilibiran, Pantok, Palangoy, Darangan, Batingan. Calumpang, Libis, Layunan, Libid, Mahabang Parang, Lunsad, Pila Pila, Limbon Limbon, Ithan, Tatala, Macamot at Mambog sa bayan ng Binangonan.
Makakaranas din ng water interruption ang mga barangay ng Evangelista, Mabini, Concepcion, San Miguel, San Juan, San Jose, Rizal, San Salvador at Santiago sa bayan ng Baras.
Sa bayan ng Jala, Jala apektado naman ang mga barangay sa una hanggang ikatlong distrito.
Pinayuhan ng Manila Water ang mga residente sa nabanggit na mga lugar na mag imbak ng sapat na tubig na kanilang kakailanganin sa kasagsagan ng water service interruptions.
