Pumalo na sa anim (6) ang nasawi sa Bataan dahil sa mga pag-ulan na dala ng habagat na pinaigting ng bagyong Josie.
Ayon sa Local Disaster Office, pinakahuli sa mga nakumpirmang nasawi ang 7-anyos na lalaking biktima ng landslides sa Mariveles.
Nabagsakan umano ng adobe ang bahay ng bata at kasalukuyang nasa kritikal na kondisyon ang nanay nito.
Batay sa pinakahuling tala, nasa 40 barangay ang lubog pa rin ngayon sa baha.
Sa Occidental Mindoro naman, nasa apat na ang kumpirmadong nasawi dahil sa mga pag-ulan.
Kabilang sa mga nasawi ang isang babae at kanyang 1-taong gulang na sanggol na biktima ng landslide, gayundin ang isang 3-gulang na bata na nalunod sa barangay Pagasa.
Samantala, isa naman ang nabagsakan ng puno mula sa barangay Sta. Lucia.
—-
