Napanatili ng bagyong Domeng ang lakas nito habang kumilos ito pahilaga-hilagang kanluran ng Philippine Sea sa bilis na 15 kilometro kada oras.
Sa huling datos ng PAGASA, namataan ang bagyong Domeng sa layong 670 kilometro silangan ng Guiuan, Eastern Samar.
Taglay nito ang lakas ng hanging aabot sa 45 kilometro kada oras at pagbugsong aabot sa 60 kilometro kada oras.
Inaasahang magdadala ang Bagyong Domeng ng katamtaman hanggang sa minsanang malakas na pag-uulan sa Central Visayas Eastern Visayas, Caraga at Hilagang Mindanao.
Samantala, nanatili namang mababa ang tsansa na tumama ito sa lupain pero hahatakin nito ang hanging amihan na magdadala naman ng katamtaman hanggang sa malakas na pag-ulan sa bahagi ng Mimaropa at Western Visayas Region simula sa Huwebes at kanlurang bahagi ng Luzon sa Biyernes.
Posible namang lumabas na ng Philippine Area of Responsibility (PAR) ang bagyong Domeng sa Linggo ng gabi.
—-
