Binalaan ng fifth division ng Sandiganbayan si dating Senador Jinggoy Estrada na kanila itong i- sa “cite – for contempt” kapag muling nag “side comment” sa pagdinig ng kanyang kaso.
Habang isinasalang sa ‘cross examination’ ang whistleblower na si Benhur Luy ay biglang nagmura si Estrada.
Dahil dito , sinaway ni 5th division Chairperson Justice Rafael Lagos si Estrada at sinabihan na huwag nang magkomento.
Agad namang humingi ng paumanhin ang dating Senador at sinabing nakapagkomento lamang siya dahil mali at kaduda – duda ang mga testimonya ni Luy.
Sinasabing nakinabang sa PDAF ni Estrada ang mga pekeng NGO ni Janet lim-Napoles mula taong 2004 hanggang 2012.
