Binanatan ni Magdalo Partylist Rep. Gary Alejano ang hakbang ng Department of Foreign Affairs kaugnay ng resolusyon ng European Parliament na humihimok sa Pilipinas na itigil na ang war on drugs.
Ayon kay Alejano, tila nagpapatupad aniya ng double standard ang pamahalaan dahil sa nakabibinging katahimikan nito sa ginagawang pannanakop ng China sa mga teritoryong inaangkin ng Pilipinas.
Gayung iginigiit ng DFA ang soberanya ng Pilipinas sa EU gayundin ang mutual respect at non-interference o hindi pakikialam sa mga usaping panloob ng bansa.
Dahil dito, sinabi ni Alejano na walang aasahan ang publiko na anumang sinseridad sa administrasyong Duterte dahil mismong ito aniya’y may kinikilingan at pinapaboran sa kanilang mga pahayag.