Inihalintulad ni Senadora Leila de Lima sa isa sa mga tagpo sa pelikula ang hidwaan sa pagitan nila Chief Justice On Leave Maria Lourdes Sereno at Pangulong Rodrigo Duterte.
Ito’y makaraang batikusin ni De Lima ang naging asal ng Pangulo nang magdeklara ito ng word war sa pagitan niya at ng punong mahistrado kung saan maihahalintulad aniya sa eksena ng pagpapaligpit sa isang kontrabida sa pelikula.
Binatikos din ni De Lima ang Kamara na aniya’y mga goons na walang patumanggal na sumusunod sa anumang ipag-utos ng Pangulo na paspasan na ang impeachment case laban kay Sereno.
Giit ni De Lima, ito ang nakalulungkot na sitwasyon sa bansa sa kasalukuyan dahil nasasanay na umano ang mga Pilipino sa ugaling gangster na liderato ng Pangulo.
