Pinaiimbestigahan ng ilang mambabatas ang listahan ng mga terorista na binuo ng gobyerno na kinabibilangan ng mga personalidad sa CPP-NPA.
Batay sa inihaing resolusyon ng Makabayan Bloc, hinihiling nila sa House Committee on Human Rights na imbestigahan ang nasabing terror list.
Mariin din nilang kinokondena ang listahang ito.
Kabilang sa mga mambabatas na lumagda sa resolusyon ay sina Bayan Muna Rep. Carlos Isagani Zarate, ACT-Teachers Party-List Representatives Antonio Tinio at France Castro, GABRIELA Women’s Party Representatives Emmi De Jesus at Arlene Brosas, Anakpawis Party-List Rep. Ariel Casilao at Kabataan Party-List Rep. Sarah Elago.
Ayon kay Zarate, mapabibilis ng resolusyong ito ang peace talks sa komunistang grupo na binubuhay ngayon ng Pangulong Duterte.
Nitong pebrero naghain ng petisyon sa Manila Regional Trial Court ang Dept. of Justice para ideklarang terorista ang CPP-NPA at 657 matataas na opisyal ng grupo.
