Ipinagpaliban muli ng Manila RTC Branch 46 ang pagbasa ng sakdal sa mga akusado sa 6.4 Billion shabu shipment case.
Ang arraignment sa ikatlong pagkakataon ay itinakda sa April 27.
Kabilang sa mga babasahan sana ng sakdal sina Customs Broker Mark Taguba at consignee ng shabu shipment na si Eirene May Tatad.
Pinagbigyan ni Judge Rainelda Estacio-Montesa ang kampo ng depensa para maghain ng apela matapos ibasura ng korte ang tatlong mosyon ng mga ito na kinabibilangan ng motion to suppress evidence, to quash the charges at to defer arraignment.
Bukod kina Taguba at Tatad respondent din sa nasabing kaso sina Li Guang Feng alias Manny I, Dong Yi Shen Xi alias Kenneth Dong, Teejay Marcellana, Chen i-Min, Jhu Ming Jhyun, Richard Tan, Chen Rong Juan at tatlong iba pa.
