Update
Patay ang pitong katao matapos araruhin ng 10-wheeler truck ang isang karinderya sa Brgy. Carsuche Taal, Batangas kaninang umaga.
Sa panayam ng DWIZ, sinabi ni Joselito Castro, hepe ng Batangas Provincial Disaster Risk Reduction Office, nabangga ng 10-wheeler truck ang isa pang 10-wheeler truck na nakaparada sa gilid ng kalsada malapit sa karinderya.
Tinamaan naman nito ang mga taong nasa karinderya at ang 6 pang ibang sasakyan na nakaparada rin sa nasabing kainan.
Dead on the spot ang pitong katao habang naisugod pa sa Taal Polymedic Hospital ang 4 na iba pa.
Ayon kay Castro, tumakas ang dalawang driver ng dalawang 10-wheeler truck.
7 patay matapos mawalan ng preno ang isang 10-wheeler truck at sumalpok sa isang karinderya sa Taal, Batangas @dwiz882 pic.twitter.com/37RvvkCu5a
— Jonathan Andal (@JonathanAndal_) March 28, 2018
