Nakatakdang talakayin ng Senate Committee on Electoral Reforms ang inihaing reklamo ni Senate Majority Leader Vicente Tito Sotto III kaugnay sa umano’y nangyaring dayaan noong 2016 elections.
Ayon kay Sotto, naisumite na niya sa komite ang mga hawak nitong dokumento mula sa kopya ng mga “secure logs” na umano’y ginamit sa “election fraud”.
Giit ni Sotto, mayroon siyang pinanghahawakang ebidensya na makakapagpatunay na nagkaroon ng transmission ng election result mula sa Albay, Lanao del Sur at Rizal Province bago pa ang halalan noong May 9, 2016.
Una na ring sinabi ng source ni Sotto na may ilang mga senatorial candidates ang nakatanggap ng zero votes sa mga lugar kung saan nagkaroon ng early transmission sa mga vote counting machines ng Smartmatic.
—-