Posibleng hindi matuloy ang taunang “Labor-racay” event sa isla ng Boracay ngayong darating na mayo bunsod ng napipintong pagpapatupad ng shutdown dito.
Ito’y ayon kay Malay Aklan Councilor Nenette Graf na pangulo ng Boracay Foundation ay sa harap na rin ng rekumendasyon ng mga ahensya ng pamahalaan na ipasara ng isang taon ang nasabing isla.
Kasunod nito, sinabi ni Graf na nagpadala na sila ng liham kay Pangulong Rodrigo Duterte para hilingin na muling ikonsidera ang pasya nito na ipasara ang isla ng Boracay.
Tinatayang aabot sa humigit kumulang na 19,000 mga manggagawa ang tiyak na tatamaan ng nasabing hakbang na umaasa lamang sa turismo para sa kanilang kabuhayan.
