Tinatayang 80 pamilya ang apektado ng sunog sa Barangay Tanza, Navotas City, ilang oras bago ang pagsisimula ng fire prevention month.
Ayon kay Navotas City Fire Marshal, Supt. Edwin Vargas, nasa 40 kabahayan ang naabo sa sunog na sumiklab pasado alas 8:00 kagabi sa bahay ng isang Liza Reyes.
Mabilis anyang kumalat ang apoy dahil dikit-dikit ang mga bahay na gawa sa light materials.
Umabot ang sunog sa task force Alpha at pasado alas 10:00 na nang naapula.
Nasa isang milyong Piso ang halaga ng mga naabo o napinsalang ari-arian habang inaalam na rin ang sanhi ng pagkalat ng apoy.
Drew Nacino/ Jelbert Perdez / RPE
Photo Courtesy of: Atom Jazer Roman
