Nagpatupad na ng panibagong “One-Time, Big-Time” rollback sa presyo ng kanilang mga produkto ang mga kumpanya ng langis, ngayong linggo.
Unang inilarga ng Phoenix petroleum ang piso at kinse sentimos na tapyas presyo sa kada litro ng gasolina habang piso at trenta sentimos sa diesel.
Simula naman ala sais ngayong umaga ipinatupad ng Caltex, Total, PTT, Shell, Petron at Seaoil ang piso’t bente singko sentimos na rollback sa diesel; piso’t singko sentimos sa gasolina at piso’t bente sentimos sa kerosene.
Ito na ang ikalawang sunod na linggong nagpatupad ng tapyas presyo sa kanilang mga produkto ang mga kumpanya ng langis, matapos ang sunud-sunod na linggong price increase dahil sa dagdag excise tax sa krudo.
