Hinimok ni Magdalo Partylist Rep. Gary Alejano sa mga kapwa niya mambabatas na manghimasok na sa usapin ng rice shortage o kakulangan sa suplay ng bigas.
Ito’y makaraang aminin ng National Food Authority o NFA na hanggang tatlong araw na lamang ang buffer stock ng bigas na malayo sa pamantayan ng ahensya ng hanggang 15 araw.
Kasunod nito, inihain ni alejano sa Kamara ang House Resolution 1648 na humihiling sa house leadership na imbestigahan na ang usapin.
Sakaling mapatunayang totoo nga ang pahayag na iyon ng NFA, malinaw aniya itong kapalpakan sa panig ng ahensya taliwas sa layunin ng gobyerno na tiyakin ang food security ng buong bansa.
Ulat ni DWIZ Patrol Reporter Jill Resontoc
Posted by: Robert Eugenio
