May posiblidad pa rin na magkaroon ng mapanganib na pagsabog ang bulkang Mayon.
Ito ang inihayag ni Philippine Institute of Volcanology and Seismology o PHIVOLCS Director Renato Solidum sa harap ng patuloy na pag-aalburoto ng bulkan.
Itinama din ni Solidum ang mga sinasabing ilang araw na nananahimik ang bulkan.
Paliwanag ni Solidum natatakpan lamang ng ulap ang bulkan kaya hindi nakikita ang napakaraming lava na inilalabas nito magmula pa noong weekend.
Sa tala ng PHIVOLCS, aabot sa 54 million cubic meters ng pyroclastic materials na ang ibinubuga ng bulkang Mayon.
—-
