Sasampahan na ng kaso ang dalawang (2) pulis mula sa Davao City na nambugbog ng dalawang menor de edad kamakailan.
Ayon kay City Social Services and Development Officer (CSSDO) Malyn Agoña, mayroon nang abogado na ibinigay sa mga biktima para umalalay sa kanila sa paghahain ng reklamo.
Kaugnay nito, sinabi rin ni CSSDO Children and Youth Focal Person Gina Molon na isang malinaw na paglabag sa Children Protection Law o Republic Act 7610 ang ginawa nina PO1 Jovanie Natividad at PO1 Jesre Masinading.
Nakuhanan ng CCTV footage noong Enero 21 ang pananakit ng mga nasabing pulis sa apat (4) na nahuling menor de edad na lumabag sa ipinatutupad na ‘curfew’ ng lungsod.
