Tiniyak ng pamahalaang panlalawigan ng Ilocos Sur ang pagbibigay ng ayuda sa mga magasasakang apektado ng peste na kung tawagin ay ‘tarzan’.
Ito ay makaraang isailalim sa state of calamity ng Ilocos Sur provincial board ang bayan ng Sta. Catalina na pinaka-napuruhan ng naturang peste na pumipinsala sa kanilang tanim na cauliflower at repolyo.
Tinatayang nasa tatlongpung (30) ektaryang mga pananim ang napinsala ng naturang peste kung saan, nabutas ang mga dahon na siyang dahilan kaya’t hindi na ito maaari pang pakinabangan.
Dahil dito, maaari nang gamitin ng lokal na pamahalaan ang kanilang emergency disaster fund upang ipambili ng mga panlaban sa peste gayundin ng mga bagong binhi upang makapagsimulang muli ang mga naapektuhang magsasaka.
