Sinang-ayunan ni Senate President Koko Pimentel ang posisyon ni Pangulong Rodrigo Duterte na dapat unahing ipasa ng Kongreso ang Bangsamoro Basic Law (BBL) bago ang charter change o Cha-cha tungo sa pederalismo.
Ayon kay Pimentel, hindi ito nangangahulugan na maisasantabi na ang Cha-cha dahil maaari nilang pagsabayin ang pagtalakay sa dalawang usapin.
Paliwanag ni Pimentel, maaari namang simulan ng Senado ang pagtalakay sa Cha-cha habang tinututukan din nila ang pagpasa sa BBL.
Samantala, muling nagpahayag ng suporta si Senate Minority Floor Leader Franklin Drilon sa pagpasa ng BBL sa kondisyong wala itong malalabag sa saligang batas.
