Isinusulong ni House Committee on Veterans Affairs and Welfare Representative Leopoldo Bataoil ang dagdag sa pensyon ng mga beterano sa buong bansa.
Ayon kay Bataoil, kulang pa ang natatanggap na pensyon ng mga ‘war veterans’ para sa pangangailangang medikal ng mga ito gaya ng pambili ng mga gamot.
Nangako si Bataoil na gagawan nila ng paraan ng kanyang mga kasamahan sa Kamara para maitaas sa labing limang libong piso ang pensyon ng mga beterano na nasa limang libo lang ngayon.
Maliban dito, layunin din aniya nila na magiging libre na ang pagpapagamot ng mga war veterans kung saan hindi na kailangan ng mga ito bumili ng gamot.
