Muling nakaranas ng aberya ang Metro Rail Transit (MRT) Line 3 kaninang umaga.
6:07 kaninang umaga nang pababain ang nasa 200 mga pasahero ng isang northbound train ng MRT-3 sa bahagi ng Magallanes Station.
Ang aberya ay bunsod umano ng electrical failure sa motor ng nasabing tren.
Agad namang napasakay ang mga naapektuhang mga pasahero sa kasunod na tren matapos ang pitong (7) minuto.
Samantala, dinala na sa depot ang nagka-aberyang tren.
