Ipinag-utos na ng Department of Transportation (DOTr) ang pagsasagawa ng imbestigasyon sa lumubog na ferry sa pagitan ng Dinahican Port, Infanta at Polilio Island sa Quezon na ikinasawi ng limang katao.
Partikular na inatasan ni Transportation Secretary Arthur Tugade ang Philippine Coast Guard o PCG at Maritime Industry Authority.
Huwebes nang lumubog ang Mercraft 3 dahil sa masamang panahon.
Samantala, nilinaw naman ni PCG Commodore Joel Garcia na hindi naman overloaded ang lumubog na vessel na may authorized capacity na 286 passengers lalo’t dalawandaan limampu’t isa (251) lamang ang pasahero at pito ang crew members nito nang maganap ang trahedya.
