Nag-anunsyo ang LRT-1 at MRT-3 ng bagong schedule ngayong holidays.
Ipinabatid ni Light Rail Manila Corporation Operations Director Rod Bulario na ang operasyon ng LRT-1 sa December 24 ay mula alas-4:30 ng madaling araw hanggang alas-8:00 lamang ng gabi.
At pagsapit ng December 31, tatakbo ang operasyon ng LRT-1 mula alas-4:30 ng madaling araw hanggang alas-7:00 ng gabi.
Balik naman sa regular holiday schedule ng LRT na mula alas-4:30 ng madaling araw hanggang alas-9:30 ng gabi sa December 25 at January 1.
Samantala ang operasyon naman ng MRT-3 sa December 24 at 31 ay mula alas-4:45 ng madaling araw hanggang alas-8:26 ng gabi.
Ang operasyon naman ng MRT-3 para sa December 25 at January 1 ay magsisimula alas-6:30 ng umaga hanggang alas-9:50 ng gabi at sa December 30 naman ay alas-4:45 ng madaling araw hanggang alas-9:50 ng gabi.
—-
