Hihigpitan ng mga organizer ng Metro Manila Film Festival o MMFF ang seguridad sa isasagawang Parade of Stars sa Sabado, Disyembre 23.
Ayon kay MMFF Spokesperson Direk Noel Ferrer, hinihimok nila ang mga dadalo sa nasabing parada na magdala ng mga transparent sa halip na backpack.
Gagawin ang Parade of Stars sa Muntinlupa Sports Complex ganap na 2:00 ng hapon at tutulak ito patungo sa Filinvest grounds.
Inaasahang aabutin ng tatlong (3) oras ang nasabing parada na may tinatayang layo na lima’t kalahating kilometro na babantayan ng may isanlibo at limandaang (1,500) pulis, Metro Manila Development Authority (MMDA) at mga opisyal ng barangay.
